TWIGA STARS YATUA AFRIKA KUSINI, KUANZA NA WACOMORO COSAFA.
Mabingwa watetezi wa michuano ya Wanawake ya HOLLYWOODBETS COSAFA Timu ya Taifa ya Tanzania “Twiga Stars’ imetua Afrika Kusini tayari kwa kuanza kibarua cha kutetea taji lao.
Twiga Stars itaanza kutupa karata yake ya kwanza dhidi ya Comoro Ijumaa Septemba 2, 2022 kwenye dimba la Nelson Mandela.
Tanzania ipo katika Kundi C na timu za Comoro, Botswana na Malawi huku Kundi A likijumuisha wenyeji Afrika Kusini, Mauritius, Msumbiji na Angola nalo Kundi B likiwa na timu za Lesotho, Eswatini, Zambia na Nambia
Michuano hiyo itaanza kutimua vumbi kesho Jumatano Agosti 31, 2022 Port Elizabeth, Afrika Kusini.
Twiga Stars iltwaa ubingwa wa michuano hiyo 2021 wakiwa timu mualikwa kutoka nje ya Kanda ya Kusini mwa Afrika (COSAFA).
