TWIGA STARS WASHINDI WA TATU COSAFA
Timu ya Taifa ya wanawake “Twiga Stars” imefanikiwa kunyakuwa nafasi ya tatu katika michuano ya Wanawake ya Hollwoodbets Cosafa iliyomalizika leo Port Elizabeth Afrika Kusini.
Twiga Stars imeshika nafasi hiyo baada ya kuifunga timu ya Namibia mabao 2-1 katika mchezo wa kutafuta mshindi wa tatu uliopigwa katika uwanja wa Isaac Wolfson.
Twiga stars walionekana kuutawala mchezo katika kipindi cha kwanza na kufanikiwa kupata bao lililofungwa na Christer Bahera dakika ya 12 na baadaye Namibia ikapata goli la kusawazisha baada ya mchezaji wa Twiga Stars Aisha Juma kujifunga na kufanya timu zote kwenda mapumziko wakiwa sare ya bao 1-1.
Bao la ushindi la Twiga Stars lilipatikana baada ya mchezaji wa Namibia Eddelsisingh Naris kujifunga katika daikia ya 89.
Zambia wameibuka mabingwa wa michuano hiyo wakiwafunga wenyeji Afrika Kusini bao 1-0 kwenye mchezo wa fainali.
