Ligi Kuu ya NBC Yazidi Kunoga
Michezo miwili ya Ligu Kuu Bara imepigwa Oktoba 31, 2022 na kumalizika kwa ushindi wa bao moja moja kwa kila timu iliyofanikiwa kupata matokeo.
Mchezo wa kwanza ulichezwa majira ya (10:00 jioni), ukizikutanisha Ruvushooting FC dhidi ya Mbeya City ambapo Mbeya City iliibuka na ushindi wa bao 1-0 katika dimba la Uhuru; bao hilo likifungwa na Hassan Nassor (dakika ya 16). Mchezo wa pili na wa mwisho uliwakutanisha Azam FC dhidi ya Ihefu FC majira ya saa 1:00 usiku ambapo katika mchezo huo bao pekee lililopachikwa kimiani na Prince Dube mnamo dakika ya 55 kipindi cha pili, lilitosha kuwapa alama tatu Azam FC na kuwanyong’onyeza wapinzani wao Ihefu.
Katika mchezo wa awali kati ya Ruvushooting na Mbeya; mwenyeji Ruvu alionesha kandanda safi licha ya kushindwa kutengeneza nafasi za magoli ambapo kocha Mkuu Boniface Mkwasa alisema kikosi chake kimekuwa na matokeo yasiyo ridhisha na kwamba atajitahidi kwenda kuyafanyia kazi makosa yalijitokeza katika michezo mitatu aliyoipoteza. Wakati huo msaidizi wa Mbeya City Anthony Mwamlima aliwapongeza wachezaji wake kwa kujituma na kupata ushindi huo uliokuwa muhimu kwao baada ya kupoteza michezo kadhaa iliyopita.
Kwa upande wa makocha wa Azam FC na Ihefu FC wao pia baada ya mchezo walizungumzia tathimini yao; Juma Mwambusi; ” kikosi changu kimepambana kupata matokeo lakini kilifanya makosa yaliyokigharimu kikosi chetu. Aidha, kitendo cha kupata kadi nyekundu kwa Juma Nyoso nako kulituharibia mipango yetu kwa kiasi fulani, hata hivyo nakipongeza kikosi changu kwa kujituma na kupunguza idadi ya magoli”, alisema.
Naye Kally Ongala kaimu kocha Mkuu wa Azam FC, alisema kuwa kikosi chake kimeendelea kuwaptia matokeo chanya licha ya ushindi mfinyu kilioupata bado anaamini kuwa muendelezo huo wa ushindi unawaongezea kujiamini wachezaji wake kwa hiyo anatarajia kuendelea kufanya vizuri zaidi kwenye michezo inayofuata.
Baada ya ushindi huo, Azam FC inafikisha alama 17 na kukaa katika nafasi ya 3 huku Ihefu yenyewe ikisalia na alama zake 5 ikishika nafasi ya 14 wakati Ruvushooting wao wakibakia na alama zao 10 wakiwa katika nafasi ya 11.
Ligi Kuu ya NBC imezidi kuwa ngumu baada ya timu zote kuonesha uhitaji wa matokeo chanya katika kila mchezo ambapo hata timu ambazo zilianza kwa kusuasua, sasa hivi zimeanza kuimarika na kutoa upinzani mkubwa pia.
