Simba yatangulia fainali Kombe la CRDB
Simba SC imefanikiwa kukata tiketi ya fainali baada ya kupata ushindi wa mabao 4-0 dhidi ya Coastal Union katika mechi ya nusu fainali ya Kombe la Shirikisho la CRDB uliochezwa Juni 20 Uwanja wa Sheikh Kaluta Amri Abeid jijini Arusha.
Mshambuliaji Libasse Gueye aliitanguliza Simba kwa bao alilofunga katika kipindi cha kwanza.
Kipindi cha pili timu zote zilirejea zikifanya baadhi ya mabadiliko, huku Simba ikifanikiwa zaidi baada ya kupata mabao mengine matatu.
Gueye ambaye pia alitangazwa mchezaji bora wa mechi hiyo alihusika katika mabao mawili, kwa kufunga moja na kutoa pasi ya usaidizi katika bao la pili lililofungwa na Nickson Kibabage.
Mabao mengine ya Simba yalifungwa na Rushine Deruck kwa njia ya penalti, na Clatous Chama.
Kwa matokeo hayo, Simba inasubiri kucheza na mshindi wa mechi ya pili ya nusu fainali kati ya timu za Young Africans SC na Azam FC itakayochezwa Juni 21 jijini Mwanza.